|
| 星期六,死左去亞洲遊戲展,今年呢個遊戲展好似有d失色,而所謂的cosplay大賽卻安排在死角位!!個表演台出奇地細!!!真衰丫!!!在會場不斷敢行來行去,試下玩敢,得一個字可以形容!!!"悶"! 希望下年會好d啦!! 今日乘矇友人叫到去左睇俠影魔龍!!!今次又係找左個衰位來坐,最後排!!!音效同坐前面差一大段.得果1.5小時!唔使一陣就睇晒!!敢就無左60蚊了,比想像中差好遠,完全不好睇,千奇唔好去睇,希望下次去睇黃金甲會有d睇頭啦!!! | | |
| 今日少見地7威同大咀叫我去睇"墨攻",本來話9:30am到旺角,點知我睡遲左起身,9:11先到,心想,又遲到,實比人罵死,點知還有三個字到旺角的時候,電話特然響起.原來是大咀急call,問佢地到未,點知佢地仲未出門,都唔知有無攪錯.掉轉要我去等佢地,見佢地有排都未到就去大快活吃過早餐等埋佢地就去戲院.去到戲院卻知道墨攻在11:35先有第二場,敢之後佢地又話去吃早餐,等我仲晨早吃左添,唉,無奈叫左杯"滑冰奶茶"來陪佢地!在閒聊之中,無意中卻知道7威有個女朋友,我都嚇左一跳,平時無黎正經的佢竟然收收埋埋敢有個女朋友,可能出來工作之後,變左成熟左吧,呵呵.我都禁不住讚佢"叻仔",大咀見到7威禁好就開始發力了,大家等待佢幾時有好消息吧,祝佢成功啦,呵呵!!!最後,7威同大咀就請我去睇"墨攻"了,那種千軍萬馬的氣魄簡直將我的情緒推至高昂狀態,劉德華飾演的"革離",簡直型到跌渣!!!氾冰冰在劉德華背上時那種可愛表情,簡直是完美的化身,直打動我的心靈,這套電影只可用一個字來形容"正"!!!!!!!!非常好的電影,大家千奇唔好錯過!!可惜近期我身子不好,老是肚痛,都不知幹什麼,唉,好無奈=.=,好像瘦了不少,希望早日康復吧!!!今日多得大咀同7威陪我才過得有意義,反而我覺得佢地成長得好快,睇來我都係時候想定轉工了,老是在室內工作好似不像佢地要外出的來得好,一切也在期待中,大家也一起加油吧!!! | | |
| 前幾日陪vtc個肥仔去買顯示卡,事前我就買左本e-zone來睇下有無d又勁又平的顯示卡出,但好似沒有,於是我想幫佢選張好d都唔得!!在高登轉左幾轉,來到一個推廣的攤位,正在用推廣的顯示卡播足球game的畫面,由於該肥仔熱愛足球!!敢就被迷住了!!!!!唉,無論我浪費多少勸告都沒用,最後就買左了!!唉無奈,不過都唔係好貴,$750,由佢啦!!之後再陪同行的另一個同學去旺角金魚街買濾水器,原來係高手來,個濾水器好大,敢我就問佢個魚缸有幾大,佢就話,100*50*60cm!!!哇!好大!個死人濾水器功能多多,超多層的海綿,又有噴水效果,真係養魚之人!!相比之下我家中的小魚缸就不好意思擺出來講了!!佢買完就走,之後去順和睇下有無個肥仔玩果個online game的月包賣,途中去左買野飲,無啦啦話唔買,都唔知佢攪咩,敢我就請佢飲啦維有!!之後再行左陣,原來佢係肚餓而不是口渴,買左幾串肉丸,仲問我吃唔吃添,我一向作風不在街上邊行邊吃東西(除左雪糕果d),我地係敢行就係敢比人望住,看佢的食相,嘴角邊還沾滿醬汁,大搖大擺敢行,你可想像是幾禁'"帥"',之後就在順和行來行去,之前最上層是四仔光碟的拍賣場,現在就變成賣figure的地方,除左御宅族所喜愛的性感美女figure外,當然也有我最喜歡的高達模型!!行行下,我見倒幾個拳頭般大的高達<頭部>,哇,其細致度,彩度,真實度,簡直美得無法形容!!其價錢也令人維之一慄,$1450,哇,超貴!!!如果有<整個>禁大禁細致的高達賣,保守估計過萬先有得傾!!雖然非常吸引,但我也花不起$去買!!行左成日, 超累,回到家時,正想小睡一會的時候,電話的噪音就響起了,看看誰那麼沒趣,原來是今天的死肥仔,裝完張死人卡又話用唔倒,係敢煩住我,攪到我拎住個電話同佢講左成個鍾,仲係度係敢發出咳聲,頂佢丫,明明無病,但又係敢故意整d咳聲出來,可能是買左張顯示卡之後興奮到傻左,係敢咳,咳到我頭都爆,最後頂佢唔順就話要去廁所,cut埋佢線!!!又是一個麻煩之人,佢張顯示卡好像仲未攪掂,7日有壞包換,我就叫佢最好係7日之內攪掂,點知佢好似懶懶閒敢,$750對佢來說可能是九牛一毛吧,唉,都費事理佢,傻傻地敢!!!11月24號是玩具展,到時去參觀下先!!! | | |
| 今天返工返12:00,但無奈昨晚3:00先訓,9:30就起左身,10:45就出門,一出樓下大堂,陽光直入我的眼簾,也許你們會說是平平無奇,但對我來說卻是珍貴的!!!從返工以來,日日早出夜歸,基本上想被陽光晒下的機會都沒有,難得今天返12:00,比陽光晒著的感覺很好,很暖,很舒服,再加上陣陣涼風,彷似置身於一望無際的大草原上!!!冬天好快就到,又係時候增添衣服了!!轉季好易生病,大家要注意身體!!! 死痴威上次放我飛機,又話去旺角買衫,點知叫左我出來之後吃完飯就走人,叫條粉腸大咀同我去買,點知佢行完西九龍就話唔去了,你又唔係唔知佢神神化化敢,仲叫佢同我去,我真係頂你地唔順,下次唔去就唔好叫我出來!!記得你仲少我餐飯,下下要人講就無癮啦!!唔請都無咩所謂,唔好成日得個講字好唔好, "下次.....下次......."唉!無言~~~~!! | | |
| 今晚上Introduction to Fashion Image,今日講面型,特然之間好比心機聽,面形分,Oval,Round,Heart,Pear,Rectangle,Square & Diamond.之後老師就叫同學二人一組,講下對方咩面形,咩髮型襯佢,帶咩眼鏡好睇敢,唉,真係有d唔慣,比個女仔望住晒,有d怕醜添.講講下,無啦啦又問我工作d野,敢我長篇大論敢講比佢聽囉!!!聽完之後仲話我禁得意既!!!差d隔夜飯都嘔埋出來,真係頂佢唔順,用得意來形容我,用'帥'都唔識,簡直是諷刺!!!算!見佢樣子不俗就放她一馬.老師來到我們組時,我就順便問佢我係咩面形,佢話係Square即係方形面><.,,,拿!敢證明我並不是肥,而是面形問題而已!!佢仲話我帶厚框眼鏡似行政人員添,笑死,禁睇得起我!!話帶比較薄框的四方眼鏡會好睇d,會似designer!!頭髮有少少倦比較好看!!不過這些都是其次,最後他說有個遊學團,目的地<東京>!!!!!!!!!!!!只要是去最潮的地方和藝術學院,講到最多潮人地方當然是涉谷啦,呵呵!!!真係非常吸引,但當講到價錢時,心就開始考慮了,HK$5000左右!!禁大個仔,都未出過國,真係好想出去見識一下,不過又無FRIEND一起去,如果有就唔使咩猶豫啦!!睇來要涉高枕頭想清楚先得!!!!煩~~~~~~~~~~!!! | | |
|
